Kryetari i Bashkisë Kukës Safet Gjici u takua sot nga Kryetari i Komunës së Gjakovës, Ardian Gjini. Zgjerimi i bashkëpunimit mes Kukësit e Gjakovës ishte tema e bisedimit mes dy kryebashkiakëve.
Në takim u diskutua gjerësisht për projektet e përbashkëta dhe problemet me të cilat përballen sot Kukësi e Gjakova, ku ndër të tjera ata kanë diskutuar rreth realizimit të projektit për ujë të pastër, i cili përfshin rregullimin e infrastrukturës së lumit Llukac në Gjakovë dhe ndërtimin e impiantit të ujërave të zeza në Kukës.
Ky projekt implementohet në kuadër të Programit Ndërkufitar IPA II Shqipëri dhe Kosovë me partneritet mes Komunës së Gjakovës, Bashkisë së Kukësit, OJQ-së “SHE ERA” dhe OJQ-së “ACER”.
Kryetari Gjici ka falënderuar Kryetarin Gjini për mikëpritjen dhe bashkëpunimin e ndërsjelltë “Gjakova dhe Kukësi kanë lidhje shekullore dhe vëllazërore”, nënvizoi Gjici.