Në mbledhjen e Asamblesë Kombëtare të PS që u mbajt sot online, Sekretari i Përgjthshëm Damian Gjiknuri në fillim të takimit u shpreh se ka ndodhur një keqkuptim në lidhje me zgjedhjet e reja që do të mbahen për 61 kryetarët e PS të Bashkive.
Gjiknuri tha se kryetarët aktualë kanë të drejtë të rikandidojnë nëse kanë patur rezultate pozitive dhe votohen nga strukturat lokale të partisë. Çdo kandidat për kryetar do të vlerësohet nga strukturat lokale dhe kryesia e partisë. Ndërprerja e mandatit të kryetarëve aktualë është keqkuptuar. Ata nuk janë shkarkuar por do t’i nënshtrohen një vlerësimi dhe gjykimi në të gjitha nivelet e partisë.
Pas miratimit të ndryshimeve statutore në Kongresin e PS që do të mbahet të shtunën, pritet të miratohet një komision që do të vlerësojë kandidaturat e paraqitura nga baza për kryetar të PS të bashkive. Zgjedhjet janë parashikuar të mbahen në periudhën Maj – Qershor 2022.