Damian Gjiknuri, kandidat i PS në listën e hapur, ka vijuar takimet në Vlorë. Teksa ka postuar foto në Facebook, Gjiknuri ka rikujtuar se taksa për biznesin e vogël do të vijojë që të jetë zero, dhe se pensioni minimal do të shkojë 200 euro.
”Takime me qytetarë, sipërmarrës të biznesit të vogël, profesionistë e pensionistë në Rajonin 4 në qytetin e Vlorës për t’i dëgjuar dhe kërkuar mbështetjen e tyre në 11 maj. I garantova se qeveria do vijojë të ketë vëmendje të shtuar përmes politikave mbështetëse për secilën kategori.
Në mandatin e katërt qeverisës taksa për biznesin e vogël do vijojë të jetë zero. Pensioni minimal do të shkojë në 200 euro dhe ai mesatar në 400 euro. Vota për Partinë Socialiste në 11 maj është votë për më shumë punë të mira në shërbim të qytetarëve”,-shkruan Gjiknuri.