Ish deputetja e LSI dhe ish ministre e Integrimit Klajda Gjosha nga protesta e opozitës ka dhënë një mesazh për deputetët që pranuan mandatin.
“Kam dhe një mesazh për ata që kanë pranuar mandatin në emër gjoja të integrimit europian. Është turp. Integrimi europian është mes shqiptarëve, mes qytetarëve tanë që kërkojnë çdo ditë drejtësi. Mes atyre që luftojnë që nga viti 90 për demokraci dhe për liri. Është mes të gjithë këtyre shesheve që janë të mbushura sot. Ndaj të gjithë bashkë e duam Shqipërinë si gjithë Europa, do të luftojmë për të dhe do ta fitojmë këtë betejë së bashku”, tha Gjosha.
Ajo shtoi se opozitarët sot janë në protestë pa flamuj partiakë por për shqetësimet e njerëzve teksa ka falenderuar doktori Petrit Vargu që nuk pranoi të marrë mandatin. ”Unë sot ka një falënderim të veçantë, për një individ shumë të spikatur, kam një falënderim për doktorin Petrit Vargu i cili sot e la mandatin dhe dha mesazhin më të mirë për të gjithë intelektualët shqiptarë”, tha Gjosha.