Në konferencën për shtyp me gazetarët pasi u kthye nga punimet e Samitit të NATO-s, kryeministri Edi Rama foli për ngërçin e negociatave si pasojë e konfliktit mes Bullgarisë dhe Maqedonisë së Veriut. I komentuar për gjuhën e fortë ndaj Bullgarisë pas Samitit BE-Ballkani Perëndimor, Rama tha se nuk ka asnjë problem me Bullgarinë pas zgjedhjes së këtij ngërçi.
“Në këndvështrimin tim propozimi i ri dhe ai përfundimtar, është një propozim plotësisht i pranueshëm dhe vëllezërit tanë dhe parlamenti i Maqedonisë së Veriut duhet ta pranojë.
Duhet të jetë e qartë se ne nuk kemi asnjë problem me Bullgarinë, veç shqetësimit për pengmarrjes e Maqedonisë së Veriut, nga një proces që mund të ketë shumë më Europian, por është një ujë që ka kaluar nën urë.
Me mbylljen e procesit të shqyrtimit dhe ë aprovimit të autoriteteve të Maqedonisë së Veriut, nuk kam asgjë për të shtuar ndaj Bullgarisë. Uroj që të mos ndeshim të tjera Bullgari në forma të tjera”, tha Rama.