Zv/ kryeministri Erjon Braçe ka reaguar ashpër pas vendimit të gjykatës për të hequr masën e bllokimit që kishte vendosur AKU-ja për një biznes në Sarandë që kishte ushqime të skaduara.
Postimi i plotë i Erjon Braçes
Zoti gjykatës,
a i ha ti këto fileto pule?
zoti përmbarues,
i ha ti këto fruta deti?
po fëmijeve tuaj,
a ua jepni për ti ngrënë?
nëse jo,
Pse duhet ti hanë fëmijët e njerëzve të zakonshëm të këtij vendi?
Në datë 25 korrik,
AKU VLORE, ka bllokuar në Sarandë në dyqanin e punishten e mishit të shtetasit Arben Haki Mehmeti këto produkte:
1. Fileto pule 1560 kg me datë skadance 27. 03. 2019;
2. Mix fruta deti 640 kg me datë skadence 20. 10. 2018;
3. Fileto pangasio 1120 kg me datë skadence 10. 11. 2018;
4. Pite elviart 1500 copë me datë skadence 8. 03. 2019;
5. Patate brasili 100 kg me datë skandence 30. 09. 2015;
6. Fileto pule 564 kg me datë skadence 2. 01. 2019;
7. Fileto pule Pechugan 720 kg me datë skadence 18. 11. 2018;
8. Kofshë derri Seara 540 kg me datë skadence 20. 07. 2019;
9. Shpatull deri 100 kg e paambalazhuar e pa etiketuar, dhjamë derri po ashtu 500 kg etj etj gati 7 tonë produkte të tilla!
AKU ka bllokuar të gjitha këto produkte, dyqanin dhe punishten e sallamit!
Më date 31 korrik, gjykatësi Elidon Papazisi ka hequr masën e bllokimit dhe përmbaruesi Asaf Troka, pa njoftuar zyrtarisht AKU-në ka qenë në punishte dhe ka hequr të gjitha vulat e bllokimit!
A keni turp gjykatës e përmbarues bashkë?! Thoni në vendim duke e justifikuar ate se po mbroni interesin publik;
Jeni çmendur apo çfarë?
Cili është interesi publik,
të hash pula të skaduara?
Apo të hash sallam prej tyre?
AKU dje ka riinspektuar dhe ka bllokuar sërish çdo gjë!
Ndërkohë i kam kërkuar AKU të njoftojë cdo institucion që merret me veprimtarinë e gjykatësve, përfshirë KLGj e ONM.
Po ashtu i kam kërkuar AKU të vlerësojë proçedurat e ndjekura nga përmbaruesi e nëse sheh vepër penale ta kallëzojë.
Boll më !