Sipas një raporti të Bankës Botërore, gratë shqiptare renditen të parat në botë për të marrë para borxh.
Në këtë raport janë marrë në studim vendet ish-komuniste të Europës. Raporti tregon se rreth 58% e grave dhe vajzave shqiptare kanë marrë borxh të paktën një herë të vetme, duke u renditur kështu në vendin e parë në botë.
Në vendin tonë kjo shifër është shumë herë më e lartë se në vende si Maqedonia e Veriut dhe Bosnje Hercegovina. Në këto vende shifra e grave që kanë marrë borxh llogaritet në 36%.
Gratë shqiptare gjithashtu e kanë shumë të vështirë edhe për të kursyer. Vetëm 18% e tyre arrijnë të kursejnë para.
Ndërsa gratë më kursimtare janë ato të Turkmenistanit, Kirgistanit dhe Polonisë.
Po ashtu një fakt tjetër shqetësues është se vetëm 34% e grave dhe vajzave shqiptare kishin një llogari bankare në vitin 2018, duke treguar kështu se në vendin tonë kultura bankare mungon.