Deputetja e PD, Grida Duma e ftuar mbrëmjen e sotme në “Zonë e Lirë” ka komentuar ndryshimet e Minstrave në kabinetin “Rama”.
Gjatë fillimit të intervistës, ajo është shprehur se “liderat në krizë largojnë personat politikë dhe emërojnë teknike”.
Duma tha po ashtu se problemi i partive shqiptare janë liderat pronarë dhe se partitë duhet të demokratizohen.
Arian Çani kishte përgatitur edhe një intervistë me përgjigje tre opsione, “Më mirë, më keq apo për dreq”, ndërsa përballë Dumës ka vendosur fotot e ministrave të vjetër me ato të rinj që i zëvendësuar, duke kërkuar mendimin e saj lidhur me këto zgjedhje.
Pjesë nga intervista, ja si i cilëson Duma ndryshimet:
Senida- Braçe- Më mirë, sepse Braçe është figurë politike shumë e gjatë, përfaqëson një pjesë të palcës së PS dhe se defekti i Ramës ishte se është mbushur me ministra teknicien. Por në fakt Braçen e ka përdor si kapak pusete se s’ka ka thënë që ky s’ka asgjë në dorë, dhe unë mbyll diskursin nëse kam qeveri teknike apo jo. Mund ta kishte vënë edhe më par them unë
Gjiknuri- Balluku- Më mirë, ka periudhë të gjatë në ekzekutiv, Gjiknuri është në një sërë aferash korruptive, në dëshmi themi, politikisht se unë nuk jam gjykatë.
Ahmetaj-Denaj- Për dreq nuk është, më mirë nuk është… zonja është pjesë e ekspertëve në ekonomi, por edhe ministri që s’ka qenë pjesë e ekonomisë e ka qarë këtë ministri… pra më mirë, se është në respekt të zonjave
Nikolla- Shahini- Më keq sepse nuk është në politikë, dhe se ministrja që iku duhej të mbante përgjegjësi
Kumbaro-Margariti- Për dreq
Qato-Shalsi- Për dreq, Shalsi përdoret si kapak pusete
Peleshi-Çuçi-Për dreq
Rama –Bushati- Për dreq, ku ka diskutim
Spiropali- Po lere tani, të shohim… se nuk e kemi krahasim këtë… por nëse ti do ta krahasosh me hiçin… (qesh)