Grace Mugabe, gruaja e diktatorit të famshëm të Zimbabvesë Robert Mugabe i cili vdiq sot në moshën 95-vjeçare, mund të arrestohet për krime të kryera, në kohën që i shoqi ishte në pushtet.
Ish-sekretarja 55-vjeçare, e cila njihet si ‘Gucci Grace’ ngaqë i adhuron blerjet luksoze, bëri një jetë të lavdishme, në një vend shumë të varfër.
Grace, e cila ishte në krah të burrit të saj kur vdiq në Singapor, i ishte dhënë imunitet së bashku me Mugabe nga autoritetet ushtarake në Zimbabve, në nëntor 2017, informon dritare.net
Por presidenti aktual, Emmerson Mnangagëa i tha BBC në janar të 2018-ës se ai nuk i kishte dhënë asnjërit prej tyre imunitet, megjithëse ata do të liheshin në paqe.
Ai tha se ata morën një paketë pensioni fitimprurëse, duke shtuar: “Administrata e re do të bëjë gjithçka që është e mundur për të siguruar që familja të jetojë në paqe.”
Ndër krimet për të cilat Mugabe dhe qeveria e tij u akuzuan, të cilat padyshim u mohuan, ishin abuzime me të drejtat e njeriut siç janë vrasja dhe përdhunimi i aktivistëve të opozitës. Ndërkohë në vitin 2018 policia nisi hetimet ndaj Grace pasi u akuza se parapriu një sindikate kontrabande, që trafikonte ilegalisht, kope elefantësh, ar dhe diamante.
Grace ishte gruaja e dytë e Mugabe. Ata u martuan në vitin 1996, dhe kanë dy djem dhe një vajzë.
