Një 54-vjeçare shqiptare është arrestuar nga policia italiane pasi është përfshirë në një ngjarje të pazakontë, ndërsa akuzohet për zhvatje. Mediat fqinje raportojnë se gjithçka nisi kur një 22-vjeçare me origjinë nga Rumania kishte denoncuar zhdukjen e maces së saj dhe kishte vendosur postera në të gjithë lagjen.
Ka qenë shqiptarja ajo që kishte gjetur kafshën shtëpiake, ndërsa kishte kontaktuar me të renë, ku ia kishte komunikuar këtë fakt. Por në vend që t’ia kthente macen vajzës, gruaja i kishte kërkuar 1 mijë euro në shkëmbim dhe më pas 300 euro.
E gjendur përballë shantazheve, 22-vjeçarja njoftoi policinë, ndërsa në bashkëpunim me këtë të fundit i kishte lënë takim shqiptares. Gruaja shqiptare u arrestua në flagrancë nga policia, teksa po shkonte t’i dorëzonte macen 22-vjeçares rumune. Pas arrestimit, gjykata caktoi masën ‘arrest shtëpie’ për 54-vjeçaren.