Komisioneri Evropian, Johannes Hahn ka deklaruar se është i bindur për hapjen e negociatave të Shqipërisë për anëtarësimin në BE. Së bashku me Shqipërinë rekomandime pozitive pritet të jepen edhe për Maqedoninë e Veriut.
Në një intervistë për gazetën
gjermane “Handelsblatt”
Komisioneri Evropian për Politikën e Fqinjësisë Evropiane dhe Negociatat e
Zgjerimit, Johannes Hahn, Maqedonia e Veriut dhe Shqipëria mund të
shpresojnë për hapjen e negociatave të pranimit në BE pas zgjedhjeve evropiane.
“Unë jam i bindur se Komisioni i BE-së do të paraqesë rekomandime pozitive
për të dy vendet në fund të majit në bazë të kritereve të vendosura unanimisht
nga Shtetet Anëtare”, tha komisioneri Johannes Hahn, agjencisë Gjermane të
Shtypit.
Ndër të tjera Hhan ka thënë se Maqedonia Veriore, në veçanti, meriton qartë
fillimin e negociatave për anëtarësim pas reformave dhe zgjidhjes së
mosmarrëveshjes së emrit me Greqinë.
Shtetet e BE-së tashmë kishin miratuar në parim hapjen e negociatave me Shqipërinë dhe Maqedoninë e Veriut qershorin e kaluar. Megjithatë bisedimet u shtynë.
Komisioni i BE-së do të paraqesë raporte mbi ecurinë e Shqipërisë dhe Maqedonisë së Veriut menjëherë pas zgjedhjeve evropiane (23-26 maj)
Hahn i paralajmëroi Shtetet Anëtare që të mos luanin me kohën për raportet pozitive. “Vetëm politikat e besueshme do të kenë sukses në nxitjen e procesit reformues të Ballkanit Perëndimor dhe ruajtjen e ndikimit tonë në rajon”, tha ai.