Kryetarja e Grupit Parlamentar Demokrat Rudina Hajdari ka bërë ditën e sotme një reagim lidhur me sulmet ndaj ministres së Drejtësisë Etilda Gjonaj për udhëtimet e saj jashtë vendit. Hajdari thotë se nuk është normale që të sulmohet një grua politikane mbi baza të rëndomta që nuk kanë lidhje me profesionin e saj.
“Ndonëse Etilda Gjonaj është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale nuk e kanë as tagrin të bëjnë moral, thjesht gjejnë alibi për të hedhur baltë”, shkruan Hajdari.
Tre ditë më parë në media qarkulloi një lajm sipas të cilit ministrja Gjonaj shpenzon 700 euro në natë për të fjetur në hotel në udhëtimet e punës jashtë Shqipërisë. Vetë Gjonaj deklaroi se fatura është prerë për qëndrimin dy net për të gjithë delegacionin e saj.