Kryeministri i Kosovës Ramush Haradinaj ka kërkuar që përfaqësuesja e lartë e BE-së për Politikë të Jashtme, Federica Mogherini të përjashtohet nga dialogu mes Beogradit dhe Prishtinës, të ndërmjetësuar nga Brukseli.
Lajmi bëhet i ditur nga agjencia serbe e lajmeve, FoNet, që citon burimet mediatike në Prishtinë. Haradinaj ka qenë mjaft kritik ndaj Mogherinit, të cilët e akuzon se është pas idesë për korrigjim kufijsh dhe shkëmbim territoresh si zgjidhje për çështjen e Kosovës, një ide që Haradinaj e refuzon kategorikisht.
Megjithatë, si ai si presidenti Hashim Thaçi pohojnë se ndërmjetësimi i Brukselit nuk është i mjaftueshëm. Ata kërkojnë përfshirjen në mënyrë direkte të SHBA-ve në procesin e negociatave në Kosovë.