Ndërkohë që mediat kanë zbardhur të plotë dosjen për hetimin ndaj Hermes Nikajt, nga ku janë publikuar përgjimet e shumë bisedave me mikeshat e tij, ai rrëfen si iu shkatërrua jeta brenda një nate, duke pretenduar se është i pafajshëm.
I njohur si “Zogu i Tiranës” në showbizz, ai rrëfen për “Panorama Plus” se ka menduar edhe vetvrasjen.
Si i kalon mbrëmjet, kur bie të flesh dhe kur zgjohesh?
Zogu i Tiranës: Unë gdhihem e ngrysem me shpresën se e nesërmja nuk do të më gjejë brenda këtyre mureve të qelisë. Kjo është shpresa ime. I lutem Zotit që të dal sa më shpejt. Nëse unë nuk dal, më mirë të vdes sesa të qëndroj këtu. Unë do të tentoj të vras veten nëse shpallem i fajshëm. Çdo gjë është e sajuar.
Kush vjen të të takojë në Burgun 313?
Zogu i Tiranës: Vijnë familjarët, po mua më vjen turp! Unë s’jam mësuar kështu, këto pranga përbuzin dinjitetin tim.
Mikeshat VIP kanë ardhur të të takojnë?
Zogu i Tiranës: Te Drejtoria e Policisë vinin më sillnin ushqime, ndërsa këtu jo sepse nuk lejohet. Mua më vjen keq, se unë isha njeri i medias dhe në lajme çfarë nuk u tha për mua, po askush nuk erdhi të më pyesë këtu personalisht. Ky rrëfim i imi është eksluziv.
Je informuar për fatin tënd, çfarë dënimi rrezikon?
Zogu i Tiranës: Nuk e di sepse jam ende nën hetim. Unë kërkoj një masë më të butë, siç është arrest shtëpie apo paraqitje me detyrim. S’kam pasur asnjë precedent penal të mëparshëm, jam me arsim të lartë dhe kjo situatë më ka bërë ta vuaj dhe të jem nën kujdesin mjekësor me qetësues dhe serume.