Fjalët e Presidentit Ilir Meta kanë provokuar debat mes analistëve sot në studion e “Top Channel”.
Sipas analistit Dritan Hila, Presidenti ka shkelur rëndë Kushtetutën, duke përdorur gjuhën e dhunës. Ndërsa sipas analistit tjetër, Fitim Zekthi, të njëjtën gjë ka bërë dhe kryeministri, por askush nuk ka thënë gjë.
Debati
Hila: A nuk është nxitje e dhunës kur thotë merrni e rrëmbeni sfurqet?
Zekthi: Presidenti në të gjithë botën, ka mbrojtje të ashpër kushtetuese, se ata e kanë ndërtuar atë post që mos të bjerë në shantazhe.
Hila: Po kjo është gjuhë dhunë, mo. Ai duhet të përfaqësojë unitetin e popullit.
Zekthi: Po dhe kryeministri ka thënë shumë gjëra.
Hila: Po mos u fut në doktrina, unë e gjykoj politikisht.
Zekthi: Unë e shoh si jurist.
Kujtojmë se, në deklaratën e dhënë sot për mediat, Presidenti Meta shpjegoi një prej deklaratave të forta të tij gjatë fushatës zgjedhore, deklaratë që u përdor në seancat gjyqësore, dhe ku ai u bënte thirrje qytetarëve “të mprehin sfurqet për të mbrojtur votën”.
Jo pa ironi, Meta tha se ajo deklaratë u bë nisur nga një ngjarje e përjetuar nga vetë ai, ku banorët e Libofshës mund të merrnin mjetet e tyre të punës së përditshme.