Në shenjë proteste, aktivistë të Rinisë Demokratike në Kosovë kanë hedhur dinarë të printuar të Serbisë drejt ambasadorit të Kosovës në Kroaci, Martin Berishaj. Ky i fundit dyshohet se është përfshirë në aferën e madhe financiare dhe tregtimin e energjisë me kompaninë GEN-I me seli në Beograd.
Pas këtij veprimi, i riu u ndalua dhe u shoqërua në Komisariat.
Përmes një postimi në “Facebook”, Partia Demokratike e Kosovës, ka reaguar lidhur me këtë ngjarje duke theksuar se arrestimi i aktivistit të tyre është i paligjshëm dhe i gabuar dhe ai që duhet të bjerë në prangat e policisë është ambasadori Berishaj.
Siaps tyre, Berishaj nuk mund të jetë përfaqësues i denjë i Republikës së Kosovës në Kroaci, përkundrazi, sa të vazhdojë të jetë në detyrë ai do të dëmtojë seriozisht imazhin e Kosovës.