Në emisionin “Opinion”, Artan Hoxha ka bërë deklarata të forta për ngjarjet që pritet të kenë zhvillime në vendin tonë. Hoxha u shpreh se janë dy vrases me pagesë duan të vijnë në Shqipëri, të rrëfehen, por s’po i sjellin dot.
Artan Hoxha: Ka, janë shumë ngjarje, është një person tjetër që është i dënuar, është vrasës me pagesë, është dënuar në Greqi, ka bërë vrasje kudo, edhe në Itali. Është i gatshëm të vijë në Shqipëri dhe të dëshmojë, por nuk e kanë sjellë dot. Edhe Olsi Leku pritet të bëhet bashkëpunëtor.
Gjithashtu, Artan Hoxha u shpreh se nga deklaratat dhe dëshmitë e bëra nga Nuredin Dumani ka bërë që shumë personazhe te largohen jashtë shtetit.
“Duke përmendur aq shumë emra ai, janë zhdukur këta. Në këto moment, një pjesë të madhe të njerëzve që shihnim në Tiranë, nuk i sheh më. Ishte s’ishte Dumani në filan ngjarje, dinte gjë, s’dinte gjë, janë zhdukur ata, kanë marrë masa”, u shpreh Hoxha.