Finalizohet operacioni policor i koduar “Imazhi”. Gjatë këtij operacioni janë dokumentuar 2 raste të kanosjes për dhënien e pasurisë.
Lidhur me këtë ngjarje është arrestuar një shtetas dhe është proceduar një 25-vjeçare.
Të rinjtë kanosën një 33-vjeçar, që t’iu jepte 1000 euro, për të fshirë foto/shkrime mbi jetën private të tij, nga rrjeti social “Tik Tok”.
Po në kuadër të operacionit “Imazhi” u ndalua shtetasi 21 vjeç, për kanosje të dhënies së pasurisë, ndodhur me datë 14.03.2024, bazuar në kallëzimin e bërë nga një shtetas.
“Seksioni për Hetimin e Krimeve ndaj Pronës në Drejtorinë Vendore të Policisë Tiranë, në vijim të punës për goditjen e paligjshmërive në çdo formë të shfaqjes së tyre, kanë organizuar dhe finalizuar operacionin policor të koduar “Imazhi”. Si rezultat i operacionit u arrestua shtetasi 27 vjeç, si dhe u procedua penalisht shtetasja 25 vjeçe, pasi në bashkëpunim me njëri-tjetrin, kanë kanosur një 33-vjeçar, për dhënien e shumës 1000 euro, që të fshinin disa foto/shkrime të jetës së tij private, nga rrjeti social “Tik Tok”, thuhet në njoftimin e policisë
Materialet procedurale iu referuan Prokurorisë së Tiranës, për veprime të mëtejshme.