Florian Marku mbetet i pamposhtur. Kampioni shqiptar mundi mbrëmjen e së enjtes me pikë pas 10 raundesh, boksierin meksikan Miguel Perra.
Një ndeshje mjaft emocionuese nga të dy boksierët, por në fund ka qenë shqiptari ai që ka fituar. Me mijëra qytetarë ishin të pranishëm në stadiumin “Air Albania” dhe me miliona të tjerë e kanë ndjekur nga ekrani. Marku ftoi me pikë 95 me 92.
Në mesin e VIP-ave që ndoqën ndeshjen live në “Air Albania”, mes Florian Markut dhe boksierit meksikan, u vu re babai i Dua Lipës, Dukagjin Lipa, i shoqëruar nga djali i tij, reperi Noizy, si edhe kryebashkiaku Erion Veliaj, ministrja e Sportit, Evis Kushi, kreu i grupit parlamentar të PS, Taulant Balla, e ish-presidenti Bamir Topi. Por edhe Igli Tare dhe Lorik Cana.