Pas kryeministrit Edi Rama dhe Presidentit Ilir Meta në varrezat ‘Dëshmorët e Kombit’ zhvilloi homazhe edhe Partia Demokratike.
Kreu i PD, Lulzim Basha ishte i pari që vendosi kurora me lule në monumentin ‘Nëna Shqipëri’. Basha po ashtu ka vendosur një buqetë me lule edhe në memorialin e viktimave të komunizimit.
I pranishëm ka qenë edhe ish kryeministri Sali Berisha, i cili bashkë me Bashën kanë vendosur lule mbi varrin e Azem Hajdarit.
“Sot është dita kur kombi shqiptar kujton të rënët, për liri. Është një ditë nderimi, mirënjohje e thellë kombëtare ndaj qindra mijërave burrave dhe grave, të rinjve që flijuan jetën e tyre. Është po kështu një ditë reflektimi për tu bashkuar sërish të vetëdijshëm se për liri shkohet në beteje cdo ditë. Përkulem me mirënjohje përpara dëshmorëve të luftës antifashiste, duke nisur me dëshmorine parë Mujo Ulqinaku dhe dhjetra dhe mijëra të tjerë që luftuan për falmurin kuq e zi. Kujtoj të gjithë ata që ranë edhe fli e diktaturës gjakatare. Përkulemi sot me nderim të thellë përa bijve të Shëipërisë, Maqedonisë dhe Kosovës që luftuan së bashku për lirinë e Kosovës”, tha Basha.