Laer Kurti është i riu i cili humbi jetën në mënyrë të mistershme në spitalin e Traumës. Ai u shoqërua mbrëmjen e së mërkurës nga policia në komisaritin numër 3, dhe më pas u transportua te Trauma pasi shfaqi probleme shëndetësore. Aty ndërroi jetë.
32-vjeçari mund të ketë pësuar atak kardiak ose epilepsi. Mirëpo, pritet që të përcaktohet shkaku i vdekjes pas ekzaminimeve mjeko-ligjore të cilat janë duke u kryer.
Agjensia e Mbikëqyrjes Policore, bëri të ditur se Kurti u ndalua mbrëmë në rrugën ”Riza Cuka” për kontroll, mirëpo u largua me vrap në zonën e ”Don Boskos”. Aty ku dhe u arrestua.
AMP sqaron edhe se Kurti u shoqërua në ambientet e komisariatit numër 3 në Tiranë, mirëpo shfaqi probleme shëndetësore. Më pas u bë transportimi i tij në spital, ku dhe ndërroi jetë. Agjencia e Mbikëqyrjes Policore oritet të dalë me një njoftim përfundimtar për shtyp.