Kreu i PDIU, Shpëtim Idrizi thotë se për zgjedhjet e 11 majit ka bërë koalicionit me Berishën, dhe jo me Dulen. Nga ana tjetër, ai thotë se në ekran pa që Berisha kishte bërë koalicion me 25 parti që 90% të tyre nuk i njeh. Për të Berisha duhet të mbajë përgjegjësi pse ka bërë koalicion me Dulen. Nga ana tjetër, Idrizi thekson se nuk është problemi te minoriteti grek.
“Më tha njëri që ke bërë koalicion me Sali Berishën mirë, po me Dulen nuk e ke bërë mirë. As e njoh e as e di dhe as e kam llogarit Vangjel Dulen. Sali Berisha duhet të mbajë përgjegjësi pse ka bërë koalicion me Dulen.
Ata që duhet të kërkojnë llogari është që pse Berisha ka bërë koalicion me Dulen? Çështja e Çamërisë nuk është me Dulen. Një ndër vështirësitë që kam patur me PD është që unë kam mbajtur për Belerin. Nëse Dule është i papranueshëm duhet të jetë për të gjitha forcat politike.
Ne e kemi Vangjel Dulen, si përfaqësues i minoritetit grek, por duhet të jetë i papranueshëm për të gjitha forcat politike jo për PDIU, por edhe për PD e PS. Lufta jonë është me shtetin shqiptar dhe me shtetin grek, jo minoritetin grek.
Çfarë lidhje kam unë me minoritetin grek? Nëse do më kërkojnë ndihmë në parlament unë jam gati t’i mbështes. Problemi ynë është i shtetit shqiptar e grek, por nëse njerëzit e perceptojnë Dulen si negativist ka një gjë që nuk shkon”,-tha në ”A2cnn”.