Një nga ikonat e muzikes shqiptare, Nexhmije Pagarusha feston sot ditëlindjen. Pagarusha ka lindur më 7 maj të vitit 1933 në fshatin Pagarushë të Malishevës, ndërsa sot këngëtarja e mirënjohur mbush plot 86 vjeç.
Veprimtaria e saj muzikore 50-vjeçare është aq e gjerë, saqë është vështirë të thuhet se cilit zhanër i takon. Këngëtarja është e njohur për interpretimet e saj në muzikën popullore dhe opera. “Baresha” është një ndër kryeveprat e interpretimit të saj, e shkruar nga Rifat Kukaj.
