Ndërsa qeveria ka urdhëruar të moshuarit, që janë grupmosha më e riskuar nga COVID 19, të qëndrojnë në shtëpi pasi do të asistohen për nevojat e tyre nga autoritetet, mjeku imunolog Genc Sulçebe është skeptik në këtë drejtim.
I ftuar në “Tempora” ai thotë se edhe këta njerëz janë burim infeksioni ndaj ai këshillon që asistenca të jepet nga rrethi familjar, të afërm.
Genc Sulçebe tha se: “Është problem social shumë i madh, shteti dhe bashkitë duhet të marrin masa për këtë asistencë. Por kam frikë se edhe ata që do të sjellin këtë asistencë në shtëpi janë burim infeksioni, dhe këtë se kam qejf. Duhet një vetëkontroll dhe vetedukim, të gjithë këta të moshuar që kanë këto probleme duhet të kuptojnë se do të bëjnë ca sakrtifica për jetën e tyre, duhet të ruhen. Të minimizohet kontakti me njerëz të panjohur, secili duhet ta zgjidhë sipas mundësive. Asistenca të bëhet sa më e mbyllur, nga njerëz të afërt dhe jo të huaj që mund të shpërndajnë infeksionin.”