Infektohet nga COVID19 avokati Altin Goxhaj. Avokati e ka dhënë vetë lajmin dhe ka deklaruar se virusin e ka marrë nga babai. Goxhaj deklaroi se e ka kaluar izolimin me ushqime dhe trajtim special, ndërsa ka shtuar se nuk ka qenë tek grupi i njerëzve që kanë mohuar virusin.
“Sado që prindërit e mi u ruajtën, jetonin një jetë shumë korrekte me maska, distancë etj. Kur vendos covidi të të zërë, të zë. Ata u infektuan dhe duke dërguar tim atë në spital e humba distancën me ndërgjegje dhe u infektova. Po e kaloj në shtëpi me ushqime të mira, antibiotikë, lëng mishi etj. Kurrë nuk e kam thënë që nuk besoj. Që në mars kam bërë shkrimin e parë ku kam thënë që është armë biologjike, që është shpikur nga Kina me liderët globalistë për të sulmuar Trump dhe liritë e të drejtat e njeriut.
Kam thënë që nuk ka asnjë rregull për të shmangur covid, por sigurisht që ekziston. Shumë njerëz kanë humbur jetën. Nuk besoj as te maskat, as dorezat as te dezinfektimi, është një armë aq perfekte biologjike, por tashmë arma më e fortë është vaksina. Ajo është projektuar për vendosjen e diktaturës globale e shpikur në laboratorë amerikano liberalë të Kinës për të goditur rrugën e sovranizmit ku po e çonte Trumpi njerëzimin.
Po këta globalistë kanë ndërmend të zhvendosin 1 miliard njerëz drejt Perëndimit. Nuk e kam qartësinë që të di si do të vijojë, çdo organizëm ka mënyrën e vet, e kam përballuar mirë deri tani. Në duart e zotit jemi. Nuk jetohet me frikë”, tha Goxhaj.