Rrjeti social “Instagram”, ka bërë të mundur që të gjithë përdoruesit të shkarkojnë “Reelsat”, të postuara në profilet publike.
Kreu i “Instagramit”, Adam Mosseri, e ka zbuluar këtë informacion përmes kanalit të tij të transmetimit dhe ka konfirmuar se të gjithë përdoruesit e kësaj platforme mund të shkarkojnë “Reelsat” të publikuar në të gjitha profilet publike.
Megjithatë, përdoruesit e profileve publike e kanë opsionin e disponueshëm për të çaktivizuar shkarkimin e postimeve individuale ose të gjitha postimeve të publikuara në profil.
Për përdoruesit e profileve publike nën moshën 18 vjeç, shkarkimet janë çaktivizuar si parazgjedhje.
Pas një periudhe testimi, Mosseri njoftoi në qershor se funksioni ishte i disponueshëm për përdoruesit në SHBA dhe tani ka arritur në të gjithë botën.
I ngjashëm me platformën “TikTok”, opsioni i shkarkimit ndodhet nën butonin “share”.