Një thashethem nga inteligjenca ukrainase po merret nga mediat perëndimore dhe po ndez ndjenjat përpara përvjetorit të tretë të pushtimit rus të Ukrainës, të hënën më 24 shkurt.
Shërbimet e Kievit, të cituara nga Bild, sigurojnë se Vladimir Putin do të shpallë fitoren më 24 shkurt.
Kjo deklaratë është në kontrast me sinjalet që vijnë nga Kremlini, ku zëdhënësi Dmitry Peskov thotë se është “shumë herët për të folur për rezultatet” e asaj që Moska e quan “operacion special ushtarak”. Sipas Peskov, për këtë arsye nuk është planifikuar asnjë ngjarje e veçantë për të hënën.
Shërbimet e inteligjencës ushtarake ukrainase pretendojnë se Putini mund të përdorë bisedimet e fundit SHBA-Rusi në Riad për të shpallur veten fitues, duke imponuar kushtet e tij të paqes në botë dhe duke u përpjekur të përshkruajë qeveritë në Evropë që mbështesin Kievin si “armiq të paqes”.
Peskov, në vend të kësaj, njoftoi se armiqësitë do të vazhdojnë sepse “të gjitha objektivat e vendosura nga kreu i shtetit dhe komandanti suprem i përgjithshëm duhet të arrihen”.