Vazhdon karantina e Interit me futbollistët, trajnerin dhe stafin në izolim. Dhe për momentin lajmet që vijnë nga fronti zikaltër janë pozitive. Sipas raportimit të mediave itlaiane, të gjithë ndihen mirë, askush nuk ka shfaqur simptoma. Secili po e përjeton këtë periudhë të veçantë në familje ose me të fejuarën, me udhëzime specifike për të ndjekur.
Në kontakt të vazhdueshëm me klubin zikaltër dhe me një program që i takon dietës dhe ushtrimeve për të kryer nga shtëpia (ose në ajër të pastër nëse, si Lautaro Martinez, dikush ka tarracë).
TAMPONË – Deri tani nuk është kryer asnjë tampon te zikaltrit. Kontakti i pasur me Daniele Ruganin (lojtarit të Juventusit pozitiv me Kovid-19, kundërshtar i fundit i Interit) ka rezultuar indirekt. Megjithatë ka qenë arsyeja që ka nxitur karantinën dhe izolimin për gjithë subjektet e përfshira në transfertën e Torinos. Tamponi kryhet, sipas rregullores, në rast të pranisë së simptomave specifike. Pra, kur të mbarojë karantina, gjithsecili do të vazhdojë jetën normalisht.
DËRGESA E PAJISJEVE – Vakte të përgatitura dhe jo vetëm. Në kohë Koronavirusi kanë ndryshuar zakonet e të gjithëve dhe normalisht futbollistët e Interit nuk bëjnë përjashtim. Do të qëndrojnë në izolim deri më 25 mars. Klubi ndërkohë ka menduar për stërvitjen e secilit: do që të shpërndajë në shtëpitë e lojtarëve, gjatë periudhës së izolimit, pajisjet e duhura për të mund t’u stërvitur: pesha, llastikë, blloqe dhe bicikletat për t’u ushtruar në banesa./ PANORAMASPORT.AL