Dafina Hysa, që prej rreth 2 dekatash më parë ka nisur rrugëtimin e saj drejt botës së televizionit, aty ku do gjente edhe personin më të rëndësishëm të jetës së saj, nga ku tashme kanë 2 fëmijë të mrekullueshem. Dafina tregon për jetën e saj profesionale dhe për momentet me të bukura që janë fotografuar në memorje, momenti i mbajtjes ne krahë për herë të parë të 2 fëmijëve të saj. Me një forcë të jashtëzakonshme që vetëm neve femrat e kuptojmë, ajo mundëson të jetë një bashkeshorte dhe një nënë e mrekullueshme si dhe një gazetare e suksesshme ne metropol.
- Kur ka qenë dalja jote e parë ne ekran. Na përshkruaj emocionet e atyre momenteve !
Ka kaluar shumë kohë në fakt, por fillimet mbeten gjithnjë në kujtesë. Rreth dy dekada më parë, në Mat Tv, në vendlindjen time, provova emocionet e ekranit dhe hodha hapat e parë drejt gazetarisë, një profesion që e dua ende fort. Stafi ishte I vogël, por me një përkushtim të jashtëzakonshëm. Mbaj mend që të gjithë jepnin keshilla dhe unë mes gjithë atyre emocioneve, më shumë coroditesha (qesh). Por në mënyrën tone, ia dolëm. Nejse, kohë të bukura shumë për mua, edhe për faktin se një nga kolegët, do të bëhej ndër njerëzit më të rëndësishëm të jetës sime.
- Me pas karriera juaj filloi ne Tiranë, pas sa kohësh dhe ku !
Fundi i vitit 2002, më gjeti në Vizion +, fillimisht si gazetare për gjyqësorin dhe më pas si redaktore e lajmeve nga rrethet. Për mëse një dekadë, ky televizion u shndërrua në shtëpinë time të dytë. Më pas, rrugëtimi vijoi në Agon Channel si redaktore përgjegjëse, për t’u ndalur në stacionin aktual, RTV Scan.
- Cili ka qenë ai moment i punës ku keni thënë nuk mundem më t’punoj STOP!
Më beso, kur punon në media, ka shumë momente të tilla. Sigurisht ia kam thënë vetes, sidomos kur nuk coja dot edhe fëmijët për ti vizituar tek mjeku, por që fatmirësisht më është gjendur në cdo moment pranë mamaja ime. Megjithatë, përpos të gjithave, të nesërmen, i jam rikthyer punës me të njëjtin pasion.
- Më thuaj sekretin për të mbetur e bukur, edhe pasi të bëhesh nënë
Pamja e jashtme sigurisht që ka rëndësi, sepse përmes saj krijon përshtypjen e parë të cdokush. Megjithatë mendoj se mbetet dhuratë e natyrës, tashmë gjithnjë e më shumë edhe e bisturisë së mjekëve. Ajo që tregon vlerat dhe për mua mbetet një “kandar” për këdo, është bukuria e brendshme. Drejt saj, përpiqem të vrapoj pandalur, duke dashur të përcjell më të mirën. Këtë I dua vetes më fort.
5.Aktualisht me cfare po merresh !
Është sezoni I katërt, që punoj në televizionin e vetëm me profil ekonomik në vendin tonë, RTV Scan. Puna nis cdo ditë në orën 7 të mëngjesit,(zgjimi që në 5 në fakt, hall i madh për mua), si gazetare dhe moderatore e ceshtjeve ekonomike, në emisionin “Përtëfol”. Ndërsa të mërkurave në mbrëmje, mikpres ligjvënës, në studion e emisionit “Kafe me deputetin”. Përvec kësaj, së fundmi me finalizimin e nivelit të dytë të studimeve për drejtësi, i jam përkushtuar paksa edhe “dashurisë” së dytë profesionale.
6. A ka kohë të mjaftueshme një grua që merret me TELEVIZION edhe për familjen e saj !
Ndonjëherë, ne gratë edhe kur nuk jemi në marrëdhënie pune, ankohemi se nuk kemi kohë(qesh). Në fakt, jo pa të drejtë, sepse nuk mbarojnë kurrë edhe punët e shtëpisë. Por, them se gjithmonë ka kohë, për gjithcka duam të bëjmë, mjafton t’a menaxhojmë sic duhet atë.
7. Një moment i Dafinës që është fotografuar në memorje dhe do qëndrojë për një kohë të gjatë aty ?!
Ka shumë të tilla….por ardhja në jetë e djalit dhe vajzës, marrja e tyre në krahë për herë të parë, janë momentet më të bukura.
8.Një fjali që ja thua vetes sa herë je e mërzitur !
“Mos i jep rëndësi individëve dhe situatave, që të shkaktojnë mërzi. Janë pa vlerë”.
9. Dhe në fund dua një mesazh për lexuesit e tirananews.al
Meqë është fillimi i 2019, dua t’u uroj një vit të mbarë atyre dhe gjithë shqiptarëve! Pastë sa më pak arsye, që t’i shtyjnë ato, drejt largimit nga Shqipëria.
Anduena SEFGJINI