Irani ka bërë thirrje që SHBA të përjashtohet nga Kupa e Botës, pasi Federata e Futbollit e Shteteve të Bashkuara ndryshoi flamurin e Iranit në platformat e saj të mediave sociale, për të treguar mbështetje për protestuesit në Iran.
Federata e Futbollit në SHBA deklaroi se dëshironte të ndryshonte flamurin zyrtar për 24 orë, për të treguar “mbështetje për gratë në Iran që luftojnë për të drejtat themelore të njeriut”, por gjithmonë planifikonte të kthehej në flamurin origjinal.
Një grafik tashmë i fshirë i renditjes së Grupit B, i postuar të shtunën nga Federata nw Twitter, Instagram dhe Facebook, shfaqte flamurin iranian vetëm me ngjyrat e tij jeshile, të bardhë dhe të kuqe, pa emblemën e Republikës Islamike.