Për ish deputetin e LSI-së Samiti i Berlinit i dha një mesazh të qartë kryeministrit shqiptar Edi Rama. Duke cituar këshilltarin e Merkel, Martin Henze, ish deputeti Përparim Spahiu thotë se edhe Gjermania shpreh kërkesën për ndryshim.
“E thënë nga z. Henze, këshilltar i Merkel: Koha për ndryshime në Shqipëri. Politika të gabuara në Shipëri, politika të gabuara në Kosovë. Një fatkeqësi”. Gjuhë aspak diplomatike dhe thirje për ndryshim, e cila në botën demokratike vjen veç nga zgjedhje të lira dhe të ndershme, kërkesë e vetme e opozitës. Nuk është vetëm papunësia, krimi, korrupsioni masiv, sistemi oligarkik, as çështje negociatash”, thotë Spahiu.
Për ish deputetin, Shqipëria sipas të gjitha raporteve është kthyer në shqetësim direkt për perëndimin, “e thënë kjo nga Paralamenti Hollandez, me kërkesën për heqjen e vizave por dhe Departamenti Amerikan i Shtetit ku e cilëson Shqipërinë si bazë të krimit të organizuar në mjaft vende. Çdo ditë më shumë qeverisje nga Rilindja, fatale për vendin”.