Ish-konkurrenti i Për’puthen, Argjend Rraci ka komentuar videon e publikuar pak ditë më parë në rrjet, ku një vajzë e re shfaqej në një klub të Sarandës në momente intime me dy djem të rinj.
Në një postim në Instastory, Rraci shkruan se në këtë rast nuk fajëson askënd, dhe se ngjarja në fjalë po bëhet më tragjike nga ç’është. Më tej, ai e përforcon mendimin e tij duke theksuar se secili merr përgjegjësi për veprimet e veta.
“Zakonisht, pikërisht kur jemi të dehur bëjmë gjërat që më shumë na pëlqejnë. Unë për vete në çështjen në fjalë nuk fajësoj askënd. Kur bën pisëlliqe në shesh, në shesh do të duken. Po e bëni më tragjike se ç’është! Vajza në fjalë po duket e moshës madhore dhe askush s’kishte pse të ndërhynte që ta ndihmonte. Të marrë çdokush përgjegjësitë e akteve të veta. Thjesht s’do të ishte e nevojshme ta filmonin dhe ta publikonin se do të duhej ti shikonin të gjithë punët e tyre, por kjo është ‘mission impossible’ në shoqërinë tonë”, shkruan Rraci.