Një ish-finaliste e Miss Zvicrës mësohet se është vrarë dhe copëtuar nga bashkëshorti i saj që tashmë ka apeluar për t’u liruar nga burgimi në Basel.
Trupi i modeles 38-vjeçare Kristina Joksimovic ishte gjetur në shkurt në qytezën e Binningen, i vrarë nga bashkëshorti i saj i emëruar vetëm si 41 vjeçari Thomas në mediat vendase, apeli i të cilit u refuzua sot nga gjykata e Lausanne.
Hetimet e tragjedisë që u mbyllën sot tregonin për probleme të rënda mendore, të cilat kishin përcaktuar ngjarjet, sipas zyrtarëve.
Kristina, nënë e dy fëmijëve të çiftit, besohet se ishte vrarë pasi kishte kërcënuar bashkëshortin me thikë. Ky i fundit e kishte mbytur bashkëshorten dhe më pas në panik besohet se kishte coëptuar trupin, shkruan Daily Mail.
Të tjera detaje makabre jepeshin për ngjarjen nga mediat vendase, por jo një motiv i saktë për konfliktin. Raporti i mjekësisë ligjore kontradiktonte versionin e vetëmbrojtjes të të akuzuarit, sipas rrjetit zvicerjan FM1 Today.
Thomas ishte arrestuar një ditë pas gjetjes së mbetjeve të trupit të gruas nga ‘një palë e tretë’ në shkurt, thuhet në dokumentet e gjykatës.
Miqtë e çiftit shprehnin tronditjen me lajmin teksa një prej tyre tha për rrjetin Blick: “Mua më dukeshin si familja e përktyer”. Çifti jetonin në një shtëpi të madhe me pamje të lartë mbi qytetin e Basel, shkruante rrjeti vendas ‘20 Minuten’.
Ndërsa një tjetër i njohur tha se lidhja e tyre ishte në krizë prej disa muajsh, teksa raportohet se policia ishte thirrur në banesën e tyre për arsye të dhunës shtëpiake.
Disa javë para vdekjes Kristina postonte në rrjet foto të çiftit me pushime, pranë dritares së një hoteli luksi me pamje nga liqeni i Lucerne. Hetuesit thanë se Thomas, biznesmen, tregonte një nivel të konsiderueshëm energjie kriminale të rrëfimin e tij te krimit.
Ata citonin “mungesë empatie dhe gjakftohtësi në vrasjen e bashkëshortes, madje me tipare sadiste apo sociopate.”
Kristina, e lindur në Binningen me origjinë nga Serbia, kishte kaluar nga pasarela në mësimin e modelingut për vajza të reja dhe konkurente të Miss Zvicra. Ajo kishte fituar më parë kompeticionin Miss Zvicra Veriore dhe më vonë ishte finaliste e Miss Zvicra.
Ish Miss Zvicra Christa Rigozzi, tha për rrjetin 20 Minuten në shkurt: “Është e tmerrshme, mendjen e kam te dy vajzat e saj. Ishte një grua e bukur dhe e dashur”.
Nadine Vinzens, ish-Miss Zvicra, mikeshë e Kristina, tha: “Jam zemërthyer, ishte një person i mirë e i dashur. Nuk do të të harroj kurrë”.
Gjyqi pritet se shpejti, shkruan rrjeti Daily Mail.