Tomas Strakosha, së bashku me mbrojtësin Berat Gjimshiti do të jenë dy mungesat e mëdha të Kombëtares së Shqipërisë në dy ndeshjet për kualifikueset e Europianit 2020, ndaj Islandës dhe Moldavisë.
ër portierin është konfirmuar dëmtimi në thembrën e Akilit, i cili i ka sjellë shqetësime edhe në fundin e sezonit me Lacion, megjithatë në atë periudhë, Strakosha sakrifikoi për të qenë në fushë në finalen e Kupës së Italisë, ku triumfoi ndaj Atalantës.
Pas asaj ndeshje, Strakosha u ndal dhe në këtë mënyrë trajneri Reja nuk e grumbulloi me kuqezinjtë. Tashmë, 24-vjeçari do të kthehet vetëm në periudhën para përgatitore të Lacios për sezonin e ri. Ndërkohë, në një foto të tij në rrjetet sociale ka rënë në sy komenti i ish-shokut të skuadrës te kryeqytetasit, Felipe Anderson, i cili e këshillon Strakoshën të pushojë dhe të mos merret me rrjetet sociale. Një përgjigje, e cila është mirëpritur nga gardiani i Lacios. Edhe pse, Anderson është larguar vitin e kaluar nga Lacio për t’u transferuar te Uest Hem, sërish e ka ruajtur miqësinë me shqiptarin.
