Një çift janë ndarë nga jeta, pasi ishin infektuar me COVID, vetëm me disa orë diferencë. Ngjarja është regjistruar në Panagia, Halkidiki.
Burri 70-vjeçar dhe gruaja 65-vjeçare iu nënshtruan një testi dhe rezultuan pozitivë. Simptomat që kishin fillimisht ishin të lehta. Duke ndjekur udhëzimet ata u lanë në karantinë.
Në fakt, sipas informacioneve ata jetonin në dhoma të ndara. 65-vjeçarja kishte biseduar me një të afërm nga fshati të hënën në mbrëmje.
Por për dy ditët e ardhshme, çifti nuk dha shenja jete. Ishin fqinjët ata që njoftuan ambulancën, pasi nuk e shihnin më të moshuarën që të kujdesej për lulet.
Ambulanca më pas kërkoi ndihmën e Policisë pasi askush nuk iu përgjigj trokitjes së derës.
Kur ekipet e shpëtimit të EKAB hynë në shtëpi, ata gjetën gruan e moshuar të vdekur dhe burrin e saj i cili ndodhej në gjendje të rëndë në oksigjen. Ai u transportua menjëherë me ambulancë në spital, por nuk mbijetoi dot duke ndërruar jetë një ditë më vonë.