Komandanti i lartë i Hezbollahut, Ibrahim Aqil, sipas agjencisë se lajmeve Reuters u vra të premten gjatë bombardimeve të Izraelit në rajonet jugore të Libanit. Ai u vra ndërsa ishte në një takim me pjesëtarë të njësive elitë Radwan të Hezbollahut.
Sipas Haartez, Aqil u lirua nga spitali këtë premte pasi u plagos nga shpërthimi i biperave.
Ai është anëtar i lartë i Këshillit të Xhihadit, organi më i lartë ushtarak i Hezbollahut dhe kërkohej nga Shtetet e Bashkuara të Amerikës, pasi në vitin 1980 kishte marre peng ushtarë amerikane dhe gjermanë në një kazermë në Bejrut. Uashingtoni kishte vendosur shpërblimin 7 milionë dollarë amerikanë për kapjen e tij.
Në sulmin e ndodhur në jug të Libanit sipas Ministrisë së Shëndetësisë libaneze, bilanci i viktimave është rritur në tetë të vdekur dhe 59 janë të plagosur.
Sulmi izraelit shkaktoi një tjetër goditje ndaj Hezbollahut pasi grupi pësoi një sulm të paprecedentë në fillim të kësaj jave, gjatë të cilit pajisje elektronike të njohura si biper si dhe radiomarrëse, të përdorura nga anëtarët e grupit shpërthyen duke vrarë 37 persona dhe plagosur 3 mijë të tjerë.