Të gjithë e kemi dëgjuar paralajmërimin se nuk duhet të hash darkë pas orës tetë, ose do të shtosh në peshë. Por metabolizmi ynë nuk është se ndalon së punuari në darkë. Prandaj çelësi i suksesit sipas “agroweb” qëndron tek raporti i kalorive që konsumoni dhe atyre që digjni.
Por nëse keni uri gjatë natës kini kujdes me ushqimin që zgjidhni për të ngrënë. Zgjidhni frutat ose perimet dhe qëndroni larg ëmbëlsirave apo ushqimeve me yndyrë.
Hani një darkë të plotë
Sigurohuni që të konsumoni një vakt sa më të plotë që do të largojë nevojën për të ngrënë pas saj. Këshillohet që të qëndroni larg ushqimeve me karbohidrate dhe me yndyrna të plota. Pini shumë ujë dhe pastaj mbylleni ditën me një filxhan me çajin tuaj të preferuar.
Lani dhëmbët para se të flini!
Jo vetëm për higjienë dhe përkujdesjen e dhëmbëve, por edhe si një mekanizëm që ju ndërpret urinë. Njësoj si çamçakëzi, edhe pasta e dhëmbëve krijon ndjesinë e ngopjes dhe ju heq mendjen nga ushqimi.
Flini në një orar të përshtatshëm
Ndonjëherë kur rrini zgjuar deri në orët e vona mund të bini e pre e ngrënies së pa menduar. Pra ju thjesht hani se nuk keni çfarë të bëni, apo thjesht jeni të mëzitur.