Prej kohësh po përfliten nëse janë bashkë në një lidhje apo jo, edhe pse publikisht nuk e kanë pranuar. Flasim për Kiara Titon dhe këngëtarin nga Kosova, Butrint Imeri.
E si për ti hedhur benzinë zjarrit të thashethemeve, Kiara shfaqet në videon e një prej këngëve të Butrintit. Pas kësaj e ftuar tek Rudina ajo nuk pohoi të ketë një lidhje me të.
Por ja që dhe pse nga goja e tyre nuk ka dalë asnjë fjalë nëse janë duke përjetuar një histori dashurie, detajet në postimet e tyre na bën ta mendojmë këtë.
Butrinti ka publikuar në Instagram një video ku tregon se ndodhet me pushime në Greqi në ishullin e bukur të Santorinit dhe tregon tavolinën e shtruar për dy persona. Në tavolinë vihen re dy gota me një shishe shampanjë, dy pjata me ushqime dhe dy gota njëra me kafe dhe tjetra me lëng portokalli.
Pamja është mjaft romantike, megjithatë a është Kiara personi i dytë?
Ende nuk dihet gjë me saktësi, megjithatë bukuroshja së fundmi ka publikuar foto ku tregon se po kalon disa ditë pushimi në Korfuz në Greqi.
Epo doni më?
Tek një nga fotot e Kiarës duket qartë pishina që shihet edhe në videon e Butrintit .
