Ish-kryeministri Sali Berisha zhvilloi këtë të hënë një takim me disa të rinj. Në fokus të bisedës ishte protesta e pedagogëve.
Kreu i demokratëve iu bëri thirrje studentëve që t’i bashkohen grevës së pedagogëve. Sipas tij, edhe studentët kanë një arsye për të dalë në protestë, me argumentin se qeveria nuk i ka mbështetur në këtë kohë krize.
“Sindikatave duhet ti bashkëngjiten studentë në mënyrë të fuqishme. Ca keni ju më shumë se studentët në Kosovë që morën për krizën 100 euro. Ti student sot e ke biletën dy herë më shtrenjtë, qiranë një përqindje më të lartë. Ushqimet nëse gatuan vetë, nga 1300 e merr litrin e vajti 3-4 mijë. Si të mos kujtohet t’iu ndihmojë ju. Po udhëton me avion taksi, 200-300 mijë euro. Ministrat udhëtojnë në ‘economy class’. A e pranoni ju që një pedagogët që ju jem mësim të marrë 4 herë më pak se shoferi i AZHBR. Të marrë më pak se fasonerit. Pse do rrinë ata këtu. Ne jemi buzë gremine me këto qëndrime që mban kjo qeveri ndaj universiteteve. Ikja e juaj është ikja e të ardhmes, shpërbërje kombëtare. Ju ftoj të bëni gjithçka për suksesin e kësaj proteste”, tha Berisha.