Sarah Sands, nënë e pesë fëmijëve vrau me thikë një pedofil të moshuar që kishte abuzuar me tre djemtë e saj sapo zbuloi identitetin e tij të ri.
Ajo shkoi në shtëpinë e 77-vjeçarit Michael Pleasted, të cilin e kishte fqinj në lindje të Londrës, dhe e qëlloi tetë herë me thikë në 2014.
Pleasted kishte abuzuar me tre nga fëmijët e saj dhe djem të tjerë në zonë, pasi ishte dënuar më parë për më shumë se 20 sulme seksuale ndaj të miturve.
Më vonë u kuptua se ai kishte ndryshuar emrin nga Robin Moult për të fshehur dhjetëra sulme seksuale ndaj fëmijëve në të kaluarën. Ai ishte lejuar të merrte një pasaportë të re dhe patentë drejtimi, si dhe spastrim të të dhënave kriminale.
Ajo ka dalë tashmë nga burgu dhe kërkon të sensibilizojë për ashpërsimin e dënimeve ndaj pedofilëve dhe ndalimin e dhënies së identiteteve të reja për ta nga autoritetet.
Zonja Sands tha se nuk ka pendesë për vrasjen e abuzuesit. Në një intervistë së fundmi me BBC ajo theksoi: “Për pedofilët, nëse prekin fëmijët duhet të ketë pasoja, jo t’i jepet identitet i ri. Ata nuk mund të ndryshojnë emrin”.