Jetmir Salaj që pas daljes me dëshirë nga shtëpia e ”Big Brother Albania Vip 3”, të shtunën e 20 prillit, ende nuk ka mbaruar me shpërthimet e tij ndaj produksionit dhe qartazi, s’e ka kursyer as Ori Nebijajn, opinioniste e këtij edicioni të spektaklit.
Përmes një postimi në Instagram, Jetmiri u shpreh: “Ti je turp dhe thjesht të mëshiroj për injorancën tënde znj. Deputete”, referuar faktit që Ori është në të njëjtën kohë edhe deputete në Kuvendin e Shqipërisë.
Jetmiri ka bërë edhe një reagim ndaj ish-banorëve të tjerë, të cilët ishin të ftuar në “Big Brother Fun Club”, ku u shpreh: “Zot, mëshiroji se nuk dinë ç’po flasin”. Jetmiri është i vetmi banor në historinë e Big Brother që del nga gara, pas pretendimeve se ka bërë “cirk” për të pasur vëmendje dhe se reality show nuk ka standarde.