Fatmir Xhafaj është pro idesë për kufizimin e mandateve të një deputeti. “Në kushtet që ne nuk jemi në mazhoritar, një pjesë të mirë tonën, ku një pjesë e zgjedh partia. Për kryebashkiakun nuk jam dakort të ketë një kufizim se ata i zgjedh populli. A mos ka nevojë që të kemi një kufizim mandatesh për deputetë, nuk mund të rrish përjetësisht deputet dhe për të krijuar një lloj kulture që karriget nuk janë të përjetshme”, tha Xhafaj nga Komisioni i posaçëm antikorrupsion, ku u mbajt Tryeza e Drejtësisë.
Një tjetër propozim i ekspertëve ishte që nominimet për instancat e pavarura të mos bëhen vetëm nga palët politike. Si shembull u mor rasti i Avokatit të Popullit, që gjithashtu gjeti dakordësinë e drejtuesit të komisionit.
“Sot Avokati i Popullit propozohet nga opozita nuk ka rëndësi opozita është një proces paragjykues, a mundet që të kemi disa alternativa që nuk janë konsensus politik, por gjykim i disa aktorëve, të jetë një mekanizëm, një trup që është formësuar nga përfaqësues të qeverisjes vendore, shoqërisë civile pra një kuorum kombëtar. Kandidatët aty të garojnë, aty të zgjidhen dhe pastaj parlamenti vetëm të votojë mes këtyre kandidaturave”, shtoi Xhafaj.