Julka Gramo ka bërë një postim ndryshe në kuadër të rastit së 15-vjeçares së abuzuar nga roja i shkollës. Me anë të një videoje të shkurtër, Ian, Greg dhe vetë Julka kanë shprehur disa fjalë nëpërmjet tre pankartave.
“Mos hesht, trego”, “Të kam xhan”, “Ti nuk je vetëm” janë frazat që Julka dhe djemtë kanë zgjedhur për të dhënë mesazhin e tyre. Kjo e fundit ka realizuar edhe një shkrim, ku ka treguar se komunikimi i vazhdueshëm i prindërve me fëmijët është një ndër faktorët kryesorë, që do të mbajë rrezikun larg të vegjëlve.
Nëpërmjet shembujve personalë, Julka është shprehur: “Ju lutem, flisni! [Fëmijët] duhet të sigurohen që do të jemi gjithmonë aty për ta, për t’i dhuruar dashuri pa kushte. Nuk ka ligje e dënime të forta që mund të zhdukin abuzimin seksual, nëse nuk zhdukim mentalitetin që mbron abuzuesin!”
Julka ka përfunduar me një mesazh: “Le të rrisim fëmijë të denjë, në mënyrë që këto fenomene të jenë veçse kujtime të hidhura të së shkuarës…” Duke dërguar dashuri dhe mbështetje për viktimat dhe familjet e tyre, Julka ka vendosur të përcjellë kështu qendrimin e saj lidhur me fenomenin që vijon të mbetet një ndër problemet më të mëdha të shoqërisë shqiptare.
Nuk janë të paktë personazhet e njohur, që i edukojnë fëmijët me frymën e respektit, për rritjen e një brezi të shëndetshëm e të denjë, siç theksoi edhe Julka.