Kallashi, kërcimtarja që dikur bënte namin është rikthyer në ekran duke marrë pjesë në emisione e intervista. Së fundmi Kallashi e ftuar “n’Kosovë shoë”, tregoi se kaloi në depression për shkak të situatë dhe ndihej keq kur dëgjonte për fatkeqësitë.
“Nervoze gjatë qëndrimit në karantinë më bëri më shumë qeveria, politika. Tre javë i mbylla rrjetet sociale se kalova në depresion, pastaj kur dëgjoja fatkeqësitë që i ndodhnin njerëzve më bënin nervoze. Kam dalë të eci, më mungonte shumë palestra dhe shtova shumë kilogramë”, u shpreh Donjeta Kosumi.
Ajo rrëfeu se ka kaluar simptoma të ngjashme me koronavirusin por nuk e di nëse ka qenë e infektuar.
“Nuk kisha frikë nga gripi. Kisha temperaturë, simptomat e koronavirusit. Isha në Amerikë dhe kur e ktheva e kalova. Temperature, ethe dhe dhimbje koke. Ndoshta e kam pasur”, tha Kallashi.
Kallashi theksoi se në zemrën e saj për momentin nuk ka asnjë mashkull pasi sipas saj në pamje të jashtme të gjithë të gënjejnë.
“Të dashur nuk kam për momentin, jam single. Nuk ka qenë kismet. Ndoshta i vjen kismet. Në pamje të gjithë të gënjejnë. Duhet të jetë i sinqertë, i sjellshëm, të vlerësojë dhe të respektojë. Meshkujt e ofendojnë një femër, sidomos meshkujt në Kosovë, i paragjykojnë, ofendojnë, nuk i respektojnë shumë femrat”, përfundoi ajo.
