Ylli i pop-it Britney Spears ka njoftuar dorëheqjen nga muzika, lajm që ka tronditur fansat e saj në mbarë botën. Skuadra e saj ka kontaktuar me një sërë tekstshkruesish për atë që pretendohet të jetë albumi i saj i 10-të, por Spears ka reaguar duke thënë se ‘nuk do të kthehet kurrë në industrinë e muzikës’.
“Që të jem e qartë, shumica e lajmeve janë të rreme! Ata thonë se unë po shkoj te disa njerëz për të bërë një album të ri…nuk do të kthehem kurrë në industrinë e muzikës!”, tha ai.
Spears ka folur gjithashtu edhe për spekulimet online se libri i saj “The Woman in Me”, i publikuar më 24 tetor 2023, është publikuar pa lejen e këngëtares.
“Njerëzit thonë se libri im është publikuar pa aprovimin tim, në mënyrë jo ligjore dhe kjo është shumë larg së vërtetës. I keni lexuar lajmet këto ditë?”, tha ajo.
Deklarata e saj vjen pasi një burim tha për Rolling Stone se ekipi menaxhues i Britney-t po kontaktonte me artistë dhe se janë shumë entuziastë për muzikën e re që do të publikojnë.