Gazetari Mentor Kikia ka deklaruar se ka një informacion se tre personat e përmdnur në deklaratat e ambasadores së Shteteve të Bashkuara të Amerikës, Yuri Kim, mund të mos jenë të tre kandidatë për deputetë.
I ftuar në “Open”, Kikia tha se mund të jetë veç njëri në lista, ndërsa dy të tjerët jo. kjo gjëe u kundërshtua nga moderatorja Eni Vasili, e cila tha se nëse nuk do të bëhej fjalë për kandidatë, ambasadorja Kim nuk kishte pse të thoshte se ata mund të skualifikohen nga listat.
Pjesë nga biseda:
Mentor Kikia: Kam një informacion të minutave të fundit, në lidhje me deklaratën e ambasadores. Mendoj se jemi keqkuptuar që janë tre kandidatë për deputetë të shpallur non grata. Mund të jenë tre në total, dhe dy të tjerët nuk janë kandidatë për deputetë.
Eni Vasili: Po përse duhet ta thoshte këtë gjë në momentin që po fliste për kandidatët.
Mentor Kikia: Vazhdoj të mos jem i sigurtë.
Eni Vasili: Ajo tha se mund të skualifikohen, nuk mendoj se do e thoshte nëse s’ka lidhje me ta.