BRITANI- Këngëtarja me famë botërore, Shakira, ka dhënë një intervistë së fundmi për Sunday Times. Kjo intervistë se saj vjen ndërkohë që këngëtarja është në përgatitje të një albumi të ri, të parin pas shtatë vitësh. Shakira ka treguar në intervistë për sakrificat në karrierën e saj muzikore gjatë kohës që ishte në lidhje me futbollistin spanjoll, Gerard Pique.
“Për një kohë të gjatë bëra pauzë në karrierën time për të qenë pranë Gerardit, në mënyrë që ai të luante futboll”, tha ajo.
Vitin e kaluar, Shakira u përfol se kishte vënë në shënjestër ish-partnerin e saj në këngën “#53”. Ajo gjithashtu trajtoi marrëdhënien e re të Pique me Clara Chia Marti.
Shakira, e cila tani jeton në Miami, po përgatitet të publikojë “Las Mujeres Ya No Lloran”. Ajo tha për ‘The Sunday Times’ se albumi i ri përfaqëson “transformimin e dhimbjes në kreativitet, zhgënjimin në produktivitet, zemërimin në pasion, cenueshmërinë në elasticitet”.
“Kishte kaq shumë pjesë të jetës sime që u shkatërruan para syve të mi dhe më duhej të rindërtoja veten në një farë mënyre, duke marrë eshtrat nga dyshemeja dhe duke i bashkuar të gjitha. Dhe ngjitësi që i mbajti të gjitha së bashku ishte muzika”, tha ajo.