Partia Socialiste ka kërkuar përjashtimin e Sali Berishës nga Kuvendi.
Kjo kërkesë është parashtruar nga deputetja socialiste, Anila Denaj, e cila argumentoi se Berisha ka tejkaluar çdo limit etik ndaj organet e Kuvendit.
“Kërkojmë që organet kompetente të përjashtimit të Sali Berishës me afat maksimal të parashikuar nga rregullorja. Deputeti Sali Berisha ka arritur kapërcimin e etikës. Është firmosur nga 27 deputetë. Eshtë depozituar sot dhe është pjesë e deklaratës që e keni marrë dhe kërkojmë të shqyrtohet menjëherë”, tha ajo.
Disa ditë më parë, Berisha u shpreh se ka video, të cilat nuk do t’i bëjë publike, ku disa ministra dhe ish-agjenti i FBI-së, McGonigal, janë takuar në klube nate në Tiranë dhe kanë bërë orgjira.
Pas kërkesës së Aleancës së Garve të PS për përjashtimin maksimal të tij, ka reaguar menjëherë Berisha.
“Nuk mund të sfumoni skandalin e tmerrshëm në të cilin jeni përfshirë këtu në parlament. Këtu endet hija e McGonigal, i cili bashkëpunoi ji vetëm me Edi Ramën por edhe me disa nga këta ministra e ministre. I cili mori përsipër si vrasës me pagesë të sulmojë opozitën, të shkatërrojë opozitën. Një pjesë e juaj jeni në gjykim në Shqipëri dhe në SHBA. Ty të duket të pëlqejnë ato që thotë Rama, po unë ato nuk i them kurrë, unë jam soj tjetër”, tha Berisha.