Një kamion ka dalë nga rruga në hyrje të Kukësit gjatë natës. Kjo ka sjellë edhe bllokimin e qarkullimit të mjeteve. Kamioni me targa të Kosovës po transportonte shufra hekuri, kjo ka shkaktuar edhe kolona të gjata në të dyja anët e rrugës.
Për zhvendosjen e tij në fillim është dashur zbarkimi i sasisë së hekurit në një kamion tjetër, proces që ka sjellë edhe bllokimin e rrugës për pak kohë duke krijuar kolona të gjata në dy anët e rrugës.
Ky aks është i vetmi në të cilin është devijuar i gjithë trafiku i mjeteve që udhëtojnë nga Kosova drejt Shqipërisë dhe anasjelltas pas bllokimit te segmentit 3 km në Kukës-Morinë të rrugës së kombit si shkak i punimeve për zhvendosjen e Urës se Re mbi Drin.
Policisë rrugore i është dashur disa herë të ndërpresë edhe proçesin e zbarkimit të kamionit për të çliruar trafikun dhe kolonat e krijuara.