Pak minuta pas postimit të një akuze të ish Presidentit dhe ish Kryeministrit Sali Berisha sikur kandidati i Partisë Socialiste, Dionis Imeraj ishte përfshirë një aksident rrugor, në qytetin e Peshkopisë, vjen reagimi i kandidatit.
Ai shprehet se ngjarja është një sajesë e turpshme dhe nuk i ka hije askujt të merret me gënjeshtra të tilla.
“Sapo lexova një status të Sali Berishës. E gjitha, një gënjeshtër e shëmtuar, e trilluar kryekëput! Ndjehem veçse i keqardhur, për sajesa të tilla të turpshme, që nuk i kanë hije askujt e aq më tepër një burri malësie”, shkruan Imeraj në profilin e tij në fb.
Ditë më parë opozita, krerët e saj, hodhën akuza edhe ndaj kandidatit të PS-së në Bashkinë e Matit. /tirananews.al/